| Sep. 14th, 2008 @ 05:29 pm (no subject) |
|---|
13 სექტემბერს, შაბათ საღამოს –
დათუნას ჩუტყვავილას წინააღმდეგ გაკეთებული აცრის შედეგად სიცხე მისცა და აქა–იქ გაამოაყარა.... ამ დღეს მე და ილია ქეით ჯარეტის კონცერტზე უნდა წავსულიყავით საღამოს... როგორც მიხვდით ძიძა დავითხოვე და ჩემი მეუღლე მარტო გავუშვი სიმფონიურში (იქ იმართებოდა ამ ჯაზმენის კონცერტი)...
დავრჩით მე და დაჩია შინ. ბავშვს ტელეფონის ყურმილი ეკავა ხელში და საქმიანად ღილაკებს აჭერდა თითს მერე ყურთან მიჰქონდა და ალოს ამბობდა... არ ვიცი სად რა გამომეპარა, მაგრამ ნახევარ საათში, როდესაც დათუნას ვაბანავებდი, უმას ყეფამ აბაზანიდან გამომიყვანა... კარებზე აკაკუნებდნენ.. გავაღე... პოლიციელები...
რაშია მეთქი ბატონებო საქმე?!
პოლიცია ხომ არ გამოგიძახიათო!!!
არა – მეთქი გაკვირვებულმა...
იცით რაო, აქედან დარეკესო და ბავშვის ხმა იყოვო – ალო, ალოო და მეტი არაფერიო. ვცდილობდითო გვეკითხაო რაშია საქმე, მაგრამ არავინ გვიპასუხაო... ამიტომაც მოვედითო...
გაიგეთ რა მოხდა?
ისევ ალბათობის თეორია მოქმედებაში...მილიონი კომბინაციიდან ჩემმა 13 თვის შვილმა სწორედ 911 აკრიფა და ტელეფონი ჩართო მერე დიდი კაცივით – ალო, ალოო და....
კაი ხალხი აღმოჩნდნენ პოლიციელები... არ დამაჯარიმეს...მარა შეეძლოთ...ალბათ იმათაც ჰყავთ შვილები :)) |
![[info]](http://l-stat.livejournal.com/img/userinfo.gif?v=91.7){kind=small}
potola's journal
